慶祝一歲生日

12M5D
龍BB 1/11/2013 一歲生日喇, 同佢一連3個星期攪左3次慶祝生日活動, 真係有囝萬事足, 呀囝大過天! 雖然龍BB 咁細都未必知道咩係慶祝生日, 不過話晒都係第一年生日, 所以點都要高興下賀一賀佢, 希望龍BB 第時大個睇返會同樣開心!

---------------------------------------------------------------------------------------

11M20D
20/10 第一個慶祝生日活動係同一班同年同月同日出世既111'S BB一齊開生日會, 連埋孖B 大概有成20 個BB 一齊慶祝, 當日龍BB 下午一去到見到咁多人已經有D 驚, 係都要痴住我吾肯自己去玩, 等龍BB Warm Up 完一陣之後佢先肯同其他BB 玩下, 不過可能朝早無點訓過, 所以玩左陣已經喊爆扭眼訓喇, 幾經辛苦先同佢影到D 相!

大合照, 場面混亂得黎好攪笑!
 

本來要影一班BB 坐係度既大合照, 點之得龍BB 一個靜雞雞偷走!
大家有無留意到BB 們件衫, 有個1字&自己個名架, 又靚又特別!










Banner 相!


龍BB 超鍾意支花, 拎住吾肯放, 不過望到咩笑得咁奸呢?!


另一樣到手又吾捨得放手既就係......波波!






個個BB 都訓身落波波池玩, 唯獨係龍BB 勁鍚身, 點都要企係度玩 =.="




又係波, 無左依個娛樂都吾知點算!


一人一個Cup cake!


Sponsor 我搵架!


---------------------------------------------------------------------------------------


11M27D
27/10 第二個生日活動就係我幫龍BB 籌備左大半個月既生日會, 所有佈置用品, 蛋糕食物等等都係我一個人去安排籌備, 老公就間中幫手擔擔抬抬, 原來要攪個生日會都吾容易架!
好開心當日好多朋友都出席到賀, 大家都好愛鍚龍BB, 加上好多都已經有小朋友, 小朋友們又可以聚埋玩下! 不過因為吾慣做主角既龍BB 因為個個都想同佢玩下抱下, 攪到龍BB 當日又係要不停搵媽咪求救, 攪笑得黎又比佢激親, 我又要忙招呼朋友又要忙湊住龍BB, 真係好吾得閒! 雖然生日會好累但係都玩得好開心, 相信龍BB 都玩得好Happy 重收到好多利是&禮物,  完場時龍BB 重好快變左做懶訓豬喇!

一家三口齊齊切蛋糕!


生日會吾少得既Cup Cake & Birthday Cake!


重有傳統既紅雞蛋!


食得津津有味!
  

送比小朋友們既氣球, 1到7歲既小朋友都超 Like!


南瓜仔都有到賀, thanksssssss


整左隻DVD 有龍BB 由出世到一歲既相!
隻歌重要係播住搵左好耐既 Remix Birthday Song, 夠晒氣氛！


----------------------------------------------------------------------------------------

12M
1/11 正日生日同龍BB 去左迪迪尼, 已經好幾年無去喇, 今次有朋友帶我地入場, 真係慳返吾少呀! 當日係一號風球, 但係一D風都無, 重要又熱又曬! 10:30am 去到先坐下火車繞場一周望下風境!






跟住就搵地方醫肚, 我叫左個意大利飯, 龍BB 超Like, 果然識食!


之後去坐船睇下動物, 當然係假啦, 下次等龍BB 再大DD 先去睇真野!
 



坐完船再去睇劇場表演, 點之係咁嘈既環境下龍BB 竟然好快訓著左!
  

 因為龍BB 訓著左重錯過埋花車巡遊, 其實當時我見D 花車個刻我都回復左童真!






之後等龍BB 醒左再同佢去坐茶杯！


行多陣影下相, 黃昏6點幾就走Lu! 其實咁山長水遠去到都想再玩夜D, 但係當日真係已經放晒電, 等留待下次去海浪公園!

龍BB 超吾想同 Minnie 影相......哈哈!
龍BB: 你做咩拍我塊面呀, 我叉返你個鼻!



龍BB~~ 您今年既一歲生日真係過得精彩又滿足, 只要見到您開心健康成長, 媽咪就會心滿意足!!