上星期六同龍BB 去左屋企附近間翠茵小字宙國際幼兒/稚園 PN Interview, 今次係龍BB 第三次PN Interview! 第一間(比華利國際幼稚園)吾收細B 無晒聲氣, 我有個FD個大囡讀緊K1都吾肯收佢個細囡(細B)! 第二間(東華三院獅子會幼稚園) Waiting list! 今次第三間收左龍BB 讀PN!
其實翠茵小字宙係我最想入既心水, 而家已經成功入到, 所以之後有其他學校既Interview 都念住吾去了! 最想入依間學校係因為一例佢又近屋企, 二例間學校口睥都幾好, 三例家姐個大囡N咁多年前讀過, 所以又印象分加左!
依間學校有分主流同國際班, 我就報左國際班有外藉老師上堂同會教普通話, 講真PN 我真係吾會期望龍BB 讀到D咩, 不過最起碼佢可以接觸多D有少少認識都會有用!
1Y2M18D (2014.1.18)
當日Interview 時間係10:00am, 我地9:45am 去到先登記, 之後重有時間比龍BB 係學校入面周圍活動Warm up 下, 當時已經有好多小朋友玩緊, 而龍BB 第一時間就走去佢好鍾意既SIR滑梯到玩, 玩到幾乎連叫佢名都吾肯走!
之後幾個小朋友分成兩間房, 房入面有4位外藉老師各自一張枱, 枱上面有幾樣玩具, 龍BB 一坐底老師就問龍BB 叫咩名, 當然龍BB 係吾識答繼續玩佢手上玩具, 之後我就逐一答老師, 跟住佢又問平日邊個湊? 識自己食野未? 平時同龍BB去邊度多? 老師一路問就一路撩龍BB 玩, 又叫佢彈琴比老師聽, 點之龍BB 真係自己彈琴再拍手, 氹都個老師勁開心又讚龍BB Good Job, 之後就叫晒幾個小朋友行去中間圍圈唱歌仔!
到去另一個房又係有幾個老師各自一張枱, 今次老師就用中文問問題(又係個d問題), 老師叫龍BB 入形狀全部入晒, 又用玲玲測試下龍BB 有無反應, 全部做到但可惜龍BB 已經開始坐吾定要走人, 最後老師比返張評分表叫我拎出去登記交留位費, 我見兩位老師評分都好好, 不過我覺得其實個個小朋友都一樣咁評分heee
恭喜。收左安心哂
回覆刪除係呀, 重要依間係最想入, 所以真係安心晒!
刪除我有影低南瓜仔評分添
回覆刪除有得睇評分又有得即場交留位費, 安排幾好喎!
回覆刪除最緊要係你地心水又有OFFER, 龍BB 叻叻~
係心水，更加要恭喜！
回覆刪除龍BB真係好叻又乖^o^
好叻呀。。龍BB！！媽媽又安心哂～ 恭喜恭喜
回覆刪除有offer...媽媽就唔洗擔心了, 恭喜恭喜~
回覆刪除寶琳 或 坑口果間??
回覆刪除龍BB又識彈琴又識拍手, 真係好叻仔
回覆刪除黎緊我都要幫瞕瞕報托兒所(也類似你們N班), 不過唔駛interview, 係抽簽, 睇下運氣如何啦
好野, 有offer就唔洗擔心了~~~~
回覆刪除有心水offer就可以唔想再煩,正!!
回覆刪除龍bb叻叻，入到心水學校仲要近真係無敵呀，咁唔洗大人同細路再咁辛苦去interview啦^^
回覆刪除犀利呀，有 offer 就唔洗再擔心啦，真好呀 ^^
回覆刪除